Gipuzkoa eta Arabako Finka Administratzaileen Lurralde Elkargoak (CAFGUIAL) 2025eko lehen lankidetza-hitzarmen garrantzitsua sinatu berri du GRUPO LAE izenekoarekin, enpresa-aholkularitzan 20 urtetik gorako ibilbidea egin duen eta finken administrazioaren sektorean espezializazio sendoa duen entitatearekin. Akordio hori aurrerapauso handitzat jo daiteke finka-administratzaile elkargokideen eta higiezinen aholkularitzan eta kudeaketan erreferente nagusietako baten arteko harremana sendotzeko.
Aliantza estrategiko horren helburua da sinergia berriak sortzea, finka-administratzaile elkargokideen kolektiboari balioa emango baitiote, funtsezko arloetan espezializatutako aholkularitza-zerbitzuetarako sarbidea erraztuz, hala nola enpresa-jardueren koordinazioa, ziurtagiri digitalak, datuen babesa eta lan-arriskuen prebentzioa. Era berean, GRUPO LAEk bulego profesionalei emango die nahitaezko araudiak kosturik gabe ezartzeko aukera, hala nola lan-arriskuen prebentzioa, jazarpen-protokoloak, kapital-zuriketaren prebentzioa (hala dagokionean) eta ordutegi-erregistroa.
Nabarmendu beharrekoa ere bada GRUPO LAEk berrikuntza teknologikoarekin duen konpromisoa. Adimen artifizialeko soluzio berriak, bulego profesionaletarako berariaz diseinatuak, lan-prozesuak eta administratutako jabeekiko elkarrekintza eraldatuko ditu. Tresna hori taldeko bezeroentzat bakarrik egongo da eskuragarri, eta mugarria jarriko da finken kudeaketa eraginkor eta digitalizatuan.
Bestalde, LAE HOMES GRUPO LAEren higiezinen dibisioarekiko lankidetzak lankidetza-esparru bat aurreikusten du higiezinen adituen eta finka-administratzaile elkargokideen artean. Aliantza honen helburua da soluzio integralak eta egungo higiezinen merkatuaren beharretara egokituak eskaintzea, CAFGUIALeko finka-administratzaileak bazkide estrategiko gisa sendotuz, sektoreari buruz duten ezagutza sakonari eta jabetza-kudeaketan duten esperientziari esker.
Lankidetza horri esker garatu ahal izango dira sektorea hazteko eta jabeen eta errentarien ongizatearen mesedetan egingo diren proiektuak, alde biek higiezinen kudeaketa etengabe hobetzeko duten konpromisoa indartuz.
“Higiezinen kudeaketan bikaintasunerantz eta enpresa-aholkularitzarantz urrats sendoa”, hala definitu dute CAFGUIALeko eta GRUPO LAEko ordezkariek izenpetu berri duten akordioa akordioa ezagutzera ematean, 2025.urte hasi berri hau sektorearentzat aukeraz eta aurrerapenez beteta datorrela azpimarratuz.
