Gipuzkoa eta Arabako Finka Administratzaileen Lurralde Elkargoak (CAFGUIAL) eta Moldatu Home Inmobiliaria Taldeak lankidetza-hitzarmena sinatu dute higiezinen sektorearekin lotutako gaietan elkargoko kideei aholkularitza espezializatua eskaintzeko. Elkargoaren egoitzan egin berri den sinadura ekitaldian Javier Montero CAFGUIALeko presidentea eta Urtzi Goiogana Moldatu Homeko Inmobiliaria Taldeko zuzendari nagusia izan dira.
Akordio horren bidez, Moldatu Home Inmobiliaria Taldeak, Euskadin erreferentzia den higiezinen agentzietako batek, elkargoko kide diren profesionalen eskura jartzen du higiezinen arloan duen esperientzia eta ezagutza, eta, horrela, CAFGUIALek bere kideei beren lan profesionala hobetzen lagunduko dieten tresnak eta zerbitzuak eskaintzeko duen konpromisoa indartzen du.
