Joan den ostiralean, CAFGUIALen egoitzan beste prestakuntza-jardunaldi bat egin zen kide anitzeko finken administratzaileentzat, gaurkotasun handiko esparru juridiko eta teknologikoetan dituzten eskumenak indartzen jarraitzeko. Saioari hasiera emateko, Gorka De la Cuesta Bermejo Gipuzkoako Probintzia Auzitegiko magistratuak “Finka administratzailea MASC delakoen aurrean: lehen laguntzarako eskuliburua” izenburuko hitzaldia eman zuen. De la Cuestak modu praktikoan heldu zion finken administratzaileak Gatazkak Konpontzeko Metodo Alternatiboen aurrean duen zereginari, eta prozedura monitorioa aztertu zuen Jabetza Horizontalaren Legearen esparruan, eguneroko kudeaketarako gako erabilgarriak ekarriz.
Bertaratuekin izandako solasaldiaren ondoren, datuaren “sekurizazioa” eta negozioaren jarraitutasuna ardatz zituen bloke teknologiko batekin jarraitu zen jardunaldia. Zati honetan Jon González Solitium Taldeko IT Norte Sistema eta Zerbitzuen arduradunak zibersegurtasuneko soluzio nagusiak azaldu zituen, Microsoft 365 eta backup sistemak, eta Gerardo Portugues dokumentu-kudeaketan aditua den kudeatzaileak Docuware aurkeztu zuen finken administrazioan digitalizazio eraginkorra lortzeko tresna gisa, paperarekiko mendekotasuna murriztuz eta informazioaren trazabilitatea hobetuz.
Topaketa formatu presentzialean zein online egin zen, eta elkargokideek harrera ezin hobea egin zioten; izan ere, oso positibotzat jo zuten lanbidearen etorkizunerako funtsezkoak diren bi esparrutan ezagutzak eguneratzeko aukera: gatazken kudeaketan eta eraldaketa digitalean.
