Gure eraikinen irisgarritasuna gainditu gabeko ikasgai nagusienetako bat da etxebizitzaren alorrean. Errealitate horri buruz hitz egin du gaur gure lankide Estibaliz Parrillak, finken administratzaile elkargokidetuak, SER irratiko Hoy por Hoy Vitoria saioan.
Egin dioten elkarrizketan, Estibalizek azaldu du jabeen erkidego askok zailtasunak dituztela beren eraikinen irisgarritasuna hobetzeko, batez ere oraindik igogailurik ez duten higiezinetan.
SER irrati kateak bildutako datuen arabera, Gasteizko 13.000 etxebizitza inguruk (hiriko bizitegi-parkearen %10 inguru) ez dute igogailurik. Egoera horrek bereziki adinekoei eta mugitzeko arazoak dituztenei eragiten die, eta etxetik irtetea, erosketak egitea edo medikuaren hitzordura joatea bezalako atazak baldintzatzen ditu.
Estibalizek gogorarazi du, gainera, Jabetza Horizontalaren Legeak irisgarritasun-obra jakin batzuen nahitaezkotasuna aurreikusten duela desgaitasunen bat duten jabeek edo 70 urtetik gorakoek eskatzen dituztenean, betiere araudiak ezarritako baldintza ekonomikoak kontuan hartuta. Jabeen erkidegoek horrelako jarduerei aurre egiteko jaso ditzaketen laguntza publikoetan ere jarri du arreta.
CAFGUIALek eskerrak eman nahi dizkio SER irratiari pertsona askoren bizi-kalitateari zuzenean eragiten dion gai bat mahai gainean jartzeagatik eta eraikin irisgarriagoak, seguruagoak eta bizilagunen beharretara egokituak lortzearen garrantzia aldarrikatzeagatik.
Irisgarritasuna bermatzea ez baita eraikin bat hobetzea bakarrik, pertsonek beren bizitza autonomiaz egiten jarraitu ahal izatea bermatzea ere bada.
