Joan den ostiralean, irailak 20, jardunaldi bat egin zen Oronako egoitzan finken administratzaile elkargokideei zuzenduta, igogailuen JTOren araudi berriaren alderdi teknikoak aurkezteko.
Igogailuen enpresak, Elkargoaren partner denak, topaketa antolatu zuen administratzaileak kezkatzen dituen araudi berri honen alderdi “zailenekiko” dituzten kezkak baretzeko.
Bilerari hasiera emateko, Javier Monterok Oronari eskerrak eman zizkion. Ondoren, Itziar Ocaña, Oronako Gipuzkoako zerbitzuko zuzendaria, etorri zen, eta Antonio Pérez Oronako iparraldeko zuzendaria izan zen gure elkargokideen zalantzak argitzeko arduraduna.
Antoniok lasaitasuna azpimarratu zuen; izan ere, igogailuak martxan jartzea, aldatzea, mantentzea eta ikuskatzea arautzen duen JTO – Jarraibide Tekniko Osagarria araudian jasotzen dena betez, igogailuak egokitzeko epeak zabalak izango dira, eta bi urterainoko marjinak izango dituzte.
Hitzaldiaren eta galderen ondoren, administratzaile elkargokideek, Oronako langileek gidatuta, bisita bat egin zuten enpresak Hernaniko egoitzan dituen instalazioetatik, modu informalagoan, igogailu-enpresak eskainitako otamen batean amaitzeko.
